फेसबुकमा सौता भेटिएपछि....

फेसबुकमा सौता भेटिएपछि....

श्रीमानले सुटुक्क अर्कै महिलासँग विवाह गरेको फेसबुकमा थाहा पाउँदा श्रीमतीलाई कति पीडा होला ? आफुलाई थाहै नदिई श्रीमानले सुटुक्क अर्को बिहे गरेको एक महिलाले फेसबुकबाटै थाहा पाएकी छिन् ।

यो अमेरिकाको वासिङटनको घटना हो । फेसबुक प्रयोगकर्ताको प्रोफाइलमा सम्भावित चिनजानका साथीहरुको लिस्ट देखाउने अप्सन ‘पिपुल यु मे नो’ मा एक महिलाको प्रोफाइलमा उनले के क्लिक गरेकी थिइन् उनी तीनछक परिन् । ति महिलाको प्रोफाइलमा वेडिङ केक (विवाहको केक) सँगै आफ्ना पतिको तस्बिर थियो । 

 

सुरुमा त उनले पत्याउनै सकिनन् । तर फेसबुक वालमा भएका अन्य तस्बिर र जानकारी हेरेपछि उनका पति एलन एल ओनिलले नाम परिवर्तन गरेर सन् २००९ मा नै अर्कै महिलासँग विवाह गरेको उनले थाहा पाइन् । पतिले अर्कैसँग विवाह गरेको फेसबुकमार्फत थाहा पाएपछि ति महिलाले दोश्रो विवाह गर्ने पतिविरुद्ध अदालतमा मुद्दा दायर गरेको अन्तर्राष्ट्रिय समाचार संस्था एपीले जनाएको छ । 

 

उनले दायर गरेको मुद्दामा उनको एलन एल ओनिलसँग सन् २००१ मा विवाह भएको उल्लेख छ । उनले तत्काल प्रहरीलाई पनि जानकारी दिइन् । उनका श्रीमानले घटनाका बारेमा कतै नभन्न आग्रह गरेको उनले अदालतलाई लेखेको निवेदनमा उल्लेख छ । दोश्रो विवाह गर्ने ४१ वर्षिय पुरुष एलन एल ओनिल कारागारका कर्मचारी हुन् । 

 

एलन आगामी महिना अदालतमा हाजिर हुनुपर्ने छ । उनीमाथि लगाइएको आरोप प्रमाणित भएमा उनलाई एक वर्षको कैद सजायँ हुने एपीले जनाएको छ ।