नयाँ ढाँचामा ट्वीटर

नयाँ ढाँचामा ट्वीटर

ट्वीटरले आफ्नो ढाँचामा केही परिवर्तन गरेको छ। त्यसैले यो अहिले कुनै सोसियल नेटवर्किङ साइटजस्तो देखिएको छ। यसको नयाँ ढाँचामा सोसियल इन्टरकनेक्सन तथा ब्रान्ड पेजलाई जोड्ने सेटविटर पहिलेको तुलनामा धेरै राम्रो बनेको छ। ट्वीटरले सूचनाको नेटवर्कका रूपमा आफ्नो पहिचान कायम राखेको छ, तर अब ट्वीटरले भिडियो सेयरिङ, फोटो ग्यालरीका साथ आफ्नो प्रोफाइल पेजलाई अझै परिष्कृत गरेको छ, जसले गर्दा युजरले आफ्नो बारेमा संसारलाई धेरैभन्दा धेरै जानकारी दिन सक्नेछन्। नयाँ ट्वीटरमा रिट्वीट, फ्लोविङ तथा फेबरेटिङको कनेक्सन छ, यसका लागि डिस्कभर सेक्सनमा जानुपर्छ। यसले गर्दा धेरै कुरा खोज्न सकिन्छ।

नया ट्वीटरमा भएका विशेषतालाई यसरी छुट्याउन सकिन्छः

होम

अब ट्वीटरको होमपेजमा भिडियो तथा पूरा न्युज स्टोरी एउटै स्थानमा देख्न सकिन्छ। पहिलेको तुलनामा अब विभिन्न प्रकारका सूचना वा समाचारलाई तीव्र गतिमा हेर्न सकिन्छ।

कनेक्ट

अब ट्वीटर प्रयोगकर्ताका लागि आफ्नो युजर नेमनै सबैभन्दा ठूलो पहिचान बनेको छ। अब प्रयोगकर्ताले आफ्नो ट्वीटसँग जोडिएका सबै कुरालाई सहज रूपमा देख्न सक्छन्। प्रयोगकर्ताको ट्वीटका बारेमा अन्य व्यक्तिले कस्तो प्रकारको प्रतिक्रिया जनाएका छन् ? कसले फलो गरिरहेका छन् ? कसले रिट्वीट गरिरहेको छ ? वा कसले लाइक गरेको छ ? यी सबै कुरा थाहा पाउन सकिन्छ।

डिस्कभर

यसलाई पनि पहिलेभन्दा राम्रो बनाइएको छ। कुनै पनि विषय सर्च गर्दा यसका वारेमा जोडिएका सम्पूर्ण सूचना प्रशस्त रूपमा पाउन सकिन्छ।

प्रोफाइल पेज

यो पेजमा प्रयोगकर्ताले आफ्ना बारेमा उल्लेख गर्न मन लाग्ने जुनसुकै कुरा पनि राम्रो तरिकाले बताउन सक्छन्।

ट्वीट बटन

यही बटनकै सहायताले आफ्ना सन्देश सबैका अगाडि पुर्‍याउन सकिन्छ। यसको सहायताले आफ्नो मोबाइल वा डेस्कटप कम्प्युटरको सहायताले भिडियो तथा न्युज स्टोरी लिंक गर्न सकिन्छ।