सौर्यमण्डलबाहिर पृथ्वी जत्रै दुई ग्रह भेटिए

खगोलविद्हरुले पहिलोपटक पृथ्वीकै आकारका २ वटा ग्रह पत्ता लगाएका छन् । सौर्यमण्डलबाट धेरै टाढा रहेका ती ग्रहहरुले सूर्यजस्तै एक तारालाई परिक्रमा गर्ने खगोलविद्हरुको भनाई छ । 

पृथ्वीका जुम्ल्याहा ग्रह जस्ता रहेका ती ग्रहमा इतिहासमा कुनै समय जीवको अस्तित्व रहेको  हुनसक्ने खगोदविद्हरुले बताएका छन् । अध्ययन टोलीका प्रमुख तथा क्याम्ब्रिज विश्वविद्यालयको खगोलीय भौतिक विज्ञान केन्द्रका वैज्ञानिक डा. फ्रान्कोइस फ्रेसिनले पृथ्वीजस्ता ग्रहहरु पत्ता लगाउने विषयमा यसले नयाँ अध्याय शुरु गरेको बताउनुभयो  ।  

पछिल्लो खोज सौर्यमण्डल बाहिरका ग्रहहरुमा गरिएको खोजमध्ये अहिलेसम्मकै निकै महत्वपूर्ण खोज रहेको दाबी गरेका छन् । नयाँ फेला परेका ग्रहको नाम ‘केप्लर ट्वान्टी इ’ र ‘केप्लर ट्वान्टी एफ ’ राखिएको छ ।